المقادير
Method
- تجهيز البطاطس: ابدأي بسلق البطاطس في مية مغلية وملح لحد ما تستوي تماماً وتبقى طرية جداً.
- شوي الستيك: تبلّي قطع اللحمة المنشفة بالملح والفلفل الأسود من الجهتين كويس. سخني طاسة الشوي (الجرين) جداً جداً مع الزيت على نار عالية.
- انزلي بقطع اللحمة (متزنقيهمش في الطاسة). سيبي اللحمة حوالي 4 دقايق على كل وش متجيتيش جمبها عشان تاخد لون ذهبي غامق وخطوط الشوي. (الوقت ده لدرجة سوا متوسطة "ميديام ويل"، لو عايزاها "ويل دان" سبيها أكتر شوية).
- طلعي اللحمة من الطاسة وحطيها في طبق، وغطيها بورق فويل وسيبيها "ترتاح" 10 دقايق (الخطوة دي مهمة جداً عشان اللحمة تكون جوسي وطرية من جوة).
- عمل صوص المشروم (في نفس الطاسة): في نفس طاسة اللحمة (ومن غير ما تغسليها)، هدي النار وحطي الزبدة. انزلي بالبصل المفروم وشوحيه لحد ما يدبل ويلم "بهاريز" اللحمة.
- ضيفي المشروم وقلبيه مع البصل لحد ما يدبل ولونه يغمق. ضيفي الثوم والزعتر وقلبي دقيقة كمان.
- انزلي بشوربة اللحمة (أو المية والمرقة) وسيبيها تغلي وتتسبك شوية. بعدين ضيفي كريمة الطهي وقلبي كويس. سيبي الصوص يغلي على نار هادية حوالي 5 دقايق لحد ما يتقل وقوامه يظبط. ضيفي قطع اللحمة (مع السوائل اللي نزلت منها في الطبق) للصوص عشان تاخد غلوة أخيرة وتسخن (حوالي دقيقتين بس).
- تجهيز البطاطس البوريه: صفّي البطاطس السخنة كويس من المية. اهرسيها كويس جداً وهي سخنة (بهرّاسة البطاطس أو بشوكة، بلاش الكبة عشان متعملش عِرق).
- ضيفي الزبدة، الحليب الدافي، الملح، الفلفل، وجوزة الطيب. اخلطي كله كويس جداً لحد ما تحصلي على قوام كريمي وناعم زي الكريمة.
- التقديم: في طبق التقديم، حطي كمية محترمة من البطاطس البوريه الكريمية. رصي فوقها أو جنبها قطع الستيك، وغرقّيها بصوص المشروم الكريمي الدايب. قدمي جنبها سلطة خضراء منعشة (خس، خيار، طماطم، ذرة حلوة، ودريسنج ليمون وزيت زيتون) عشان تكسر دسامة الأكل.
ملاحظات
سمك اللحمة: لو قطع اللحمة تخينة أوي، بعد ما تشويها من الجانبين، ممكن تدخليها الفرن 5 دقايق عشان تكمل سوا من جوة.
قوام الصوص: لو حسيتي الصوص خفيف أوي، ممكن تدوبي ملعقة صغيرة نشا في معلقة مية باردة وتضيفيها للصوص وتقلبي لحد ما يتقل.
المشروم: المشروم الفريش طعمه أحلى بكتير من المعلب في الوصفة دي، ومش بيتغسل، بس بتمسحيه بمنديل مبلول.