وصفات أكل عربية اكلات شهية لكي ولأسرتك
مفيش أحلى من ريحة المخبوزات في البيت أيام الأعياد، وبالذات لما تكون ريحة “دفا” زي القرفة والجنزبيل والقرنفل. بسكويت الكريسماس ده مش مجرد حلوى، ده “طقس” من طقوس العيد. اللمة وإحنا بنعجن، وفرحة الأطفال وهما بيقطعوا العجينة بأشكال بابا نويل وشجرة العيد، وبعدين التزيين بالسكر الملون.. دي ذكريات بتفضل العمر كله.
- وصفة مقترحه: فخذة خروف مشوية بالزبدة والأعشاب
الوصفة دي موزونة “بالشعرة”. البسكويت بيطلع ماسك نفسه عشان تعرفي تشكليه وتزينيه، وفي نفس الوقت مقرمش من برة وبيدوب في البق من جوة. السر هنا في استخدام “العسل الأسود” اللي بيدي لون دهبي غامق وطعم مميز جداً، وتوليفة التوابل اللي بتظبط الطعم من غير ما يكون حراق أو يجزع النفس.
هنقولك على كل “التكات” اللي تخليه ينجح معاكي من أول مرة: إزاي تريحي العجينة عشان متلمش منك في الفرن، وإزاي تخبزيه على نار هادية عشان يستوي براحته ويقرمش. جهزي القطاعات بتاعتك، ويلا بينا نعمل أحلى بسكويت!
بسكويت الكريسماس بالجنزبيل والقرفة
المقادير
Method
- تجهيز النواشف: في طبق كبير، انخلي الدقيق مع البيكنج بودر، الملح، الجنزبيل، القرفة، القرنفل، وجوزة الطيب. قلبيهم كويس مع بعض وسيبيهم على جنب.
- ضرب الزبدة والسكر: في العجان أو بالمضرب الكهربائي، اضربي الزبدة الطرية مع السكر البني لحد ما الخليط يبقى كريمي ولونه يفتح شوية (حوالي 3-4 دقايق).
- إضافة السوائل: انزلي بالبيضة والفانيليا واضربي لحد ما يختفوا، وبعدين ضيفي العسل الأسود واضربي ضربة خفيفة لحد ما كله يتجانس.
- لم العجينة: وقفي المضرب، وابدأي ضيفي خليط الدقيق والتوابل شوية بشوية. قلبي بمعلقة خشب أو بـ "سباتولا" يادوبك لحد ما الدقيق يختفي والعجينة تتلم. أوعي تعجني كتير عشان البسكويت ميعضمش منك وينشف. العجينة هتكون بتلزق شوية وده طبيعي.
- التبريد (أهم خطوة): اقسمي العجينة نصين، ولفي كل نص في كيس بلاستيك (كلينج فيلم)، وبططيه شوية عشان يبرد بسرعة. دخليهم الثلاجة ساعة على الأقل عشان الزبدة تمسك ونعرف نفردها ونقطعها.
- الفرد والتقطيع: سخني الفرن على 180 درجة. طلعي نص عجينة من الثلاجة. رشي شوية دقيق على الرخامة وعلى النشابة، وافردي العجينة بسمك متوسط (حوالي نص سم). قطعيها بأشكال الكريسماس اللي تحبيها.
- الخبز: رصي البسكويت في صواني مفروشة ورق زبدة، وسيبي مسافة صغيرة بينهم. دخليهم الفرن السخن في الرف اللي في النص لمدة 8 لـ 12 دقيقة. البسكويت بيستوي لما تلاقي الحروف بتاعته احمرت خفيف وهو لسه طري شوية من النص.
- التبريد النهائي: طلعي الصواني وسيبي البسكويت يبرد فيها 5 دقايق عشان يمسك نفسه، وبعدين انقليه على شبكة عشان يبرد تماماً ويقرمش.
- التزيين: بعد ما يبرد خالص، ممكن تزينيه بـ "رويال أيسنج" (سكر بودرة وبياض بيض) أو شوكولاتة سايحة وفارماسيل ملون.
تحفه
حلو
شكرا