إزاي تعملي سفرة عزومة شكلها حلو وتكون اقتصادية؟

كتير مننا بيحب يعزم قرايبه أو أصحابه، بس بيقلق من التكلفة أو من ترتيب السفرة. في المقال ده، هقولك إزاي تجهزي سفرة عزومة اقتصادية شكلها شيك وتليق بأي ضيوف.

1. خطط للعزومة من بدري

أول خطوة لتوفير الفلوس وتقليل التوتر هي التخطيط.

• حدد عدد الضيوف.

• اختار نوع العزومة: غداء، عشاء، رمضان، جمعة عائلية؟

• حدد الأصناف الأساسية اللي هتعملها.

نصيحة: متزوديش عدد الأصناف. طبق رئيسي، 2 جانبي، سلطة، حاجة حلوة… كفاية جدًا.

2. اختار أكلات اقتصادية بس مش بسيطة

خليكي ذكية في اختيارك للأطباق. في أكلات شكلها يفتح النفس وطعمها حلو وسعرها مناسب:

أمثلة لأطباق رئيسية:

• صينية بطاطس بالفراخ

• مكرونة بالبشاميل

• فتة بلدي باللحم أو بدون

• كفتة بالأرز أو صينية كفتة بالبطاطس

أطباق جانبية:

• أرز بالشعرية

• سلطة خضراء

• مخلل

• شوربة عدس أو شوربة فراخ بسيطة

حلويات اقتصادية:

• أرز باللبن

• بسبوسة بيتى

• جيلي وكريم كراميل

• كنافة بالقشطة

شوفي كمان: الذكاء الاصطناعي في مطبخك – حتستغني عن حاجات كتير

3. جهّزي على يومين لتوفير الوقت والمجهود

في اليوم اللي قبل العزومة:

• اتبّلي اللحوم أو الفراخ

• حضّري الحلويات

• قطّعي الخضار وخزّنه في التلاجة

في يوم العزومة:

• حضّري الأرز والشوربة والسلاطات

• سخّني الحلو قبل التقديم بساعة

4. خليكي بسيطه في شكل السفرة بس منظمه

مش لازم تستخدم أطقم غالية، بس لازم كل حاجة تبان مرتبة:

• استخدمي مفرش أبيض أو سادة

• نظم الأطباق بالتساوي

• رتّبي العصير أو المشروبات في أباريق

• حطي المناديل بشكل مرتب على الجوانب

تفصيلة بسيطة ممكن تفرق جدًا.

5. متنسيش تقدّمي نفسك وانت مبتسمه

السفرة الحلوة مش بس أكل، كمان الروح الحلوة. لو الضيوف حسّوا إنك بتقدم من قلبك، مش هيفرق معاهم إذا كانت العزومة فيها لحم غالي ولا كفتة بالعيش.

نصيحة اخيرة:

لو عايزه تعملي سفرة عزومة اقتصادية، ركّزي على:

• تخطيط ذكي

• أكلات مناسبة

• تقديم بسيط ومنظم

• لمسة شخصية منك

• تابعي قناة وصفات أكل عربية على يوتيوب

السفرة الحلوة مش بالفلوس الكتير، إنما بالنية الطيبة والتنظيم الصح.